كيف نجعل منتدى احلام حساس الأفضل

r=black]]* ماهو المنتدى ..!!??
المنتدى هو بيتك الثاني وفية اصدقائك واخوانك يشاركون معك في امور الدين والمعرفة وفي المزح ويزعلون لزعلك ويفرحون لفرحك

وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصدقائه بهذا الشئ

فكيف نجعل منتدانا هو الأفضل ؟؟
الحل بسيط

اولاً : (( تشجيع الأعضاء الجدد ))

هذي هي البداية وأنت أكيد تتذكر أول يوم جيت فية للمنتدى وكتبت موضوع وكم تمنيت يرد عليه الكل ،، وبتشجيعنا للأعضاء الجدد فنحن نحثهم على الإبداع فمنهم سيخرج لنا دعاة ومصليحن و كتاب رائعين في الأدب والشعر وكتاب متميزين في الصرقعة أو في أي مجالات أخرى
والعضو إلي دايم يكون الأول في الترحيب ،، حبيب وقلبه طيب

* ثانياً : (( قبل أن تكتب أي موضوع في أي قسم معين يجب أن ترد على موضوعين اوثلاث او اكثر ))

وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر وأنت أذا رديت على موضيعهم الكل بيرد على موضوعك إذا كان يستحق .
والعضو الي دايم يرد على المواضيع يسمى ،، محبوب الكل

* ثالثاً : (( تشجيع المواضيع التي يكتبها أصحابها ))

أن تكتب أنت موضوع بجهدك أفضل مليون مرة من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فكرة أو معلومة أو انقل من كتاب او مجلة مايستحق النشر
والعضو إلي دايم يكتب مواضيعه بنفسه ،، هذا نشيط ومتميز

رابعاً : (( الكلمة السحرية ))

وهي أن تكتب كلمة ( شكرا على هذا الموضوع ) كلمات قليلة ماراح تتعبك او تنقص من قدرك او كبريائك المزيف ،، كثير مانشوف مواضيع عدد قرائها فوق السبعين او الثمانين ومن هؤلاء فقد يرد على صاحب الموضوع واحد او ثنين وأكثر الأحيان تجد الموضوع خالي من أي رد ..!!
يعني أنت تبي الكل يرد على موضوعك وأنت ماتكلف على عمرك وتجامل صاحب الموضوع .. اجل وشوله تشارك وتتعب عمرك هذا أكبر قهر والله ؟
ويسمى العضو إلي دايم يشارك ويحث الأعضاء على المشاركة ،، المميز .

خامساً : ((محاربة الشليلة ))

وهذا أكبر خطر يهدد أي منتدى وكثير من المنتديات هرب منها أعضائه لهذا السبب ،، وشليلة هي أن يتفق الأعضاء ويقولون ( احنا والله شله ارتحنا لبعض ومانبي واحد جديد يخش بينا ،، والإتفاق هو ترد على موضوعي ارد على موضوعك ) ويروح فيها الضعيف ( العضو الجديد ) مايعطونه وجه لين يمل وينسحب من المنتدى لآنه وبكل بساطه حس أنه شااذ عنهـــــــــــم ،، لا ومن زين الطبايع بعدها بفتره يقلبون على بعض ويصير كل واحد يكتب موضوع ولا يرد على الثاني ،، وخلاص انتهاء المنتدى وصار ممل والاصرف انه يتقفل. !!!!

سادساً : (( التواصل بين الأعضاء ))
التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر حتى أهلك مادروا عنك ،، وتجي للمنتدى ولكل مشتاقين لك ويسألون عنك ،، أكيد بتشقق من الفرحة ومحد قدك ( حقيقه مجربه من الكل ) )
ويسمى العضو إلي دايم يسأل عن الاعضاء ،، طيب القلب

سابعاً : (( التقليل من المواضيع المنقولة ))

بعض المواضيع مهمة ويجب أن تنقل وتنتشر في كل المنتديات ،، لكن مسألة انك تشوف اي موضوع يعجبك وتنقله لا ويمكن يكتب عشر مواضيع في اليوم (تخصص قص ولصق ) هذي شئ يطفش ويجب العمى ( وشوله اشترك في منتدى !! .. اجل اقراء صحيفة او مجلة او تابع الأخبار في التلفزيون اصرف (
ويسمى هذ العضو ،،، مخربها .

ثامناً : (( لاتصير خفيف واثقل ((
يجيك عضو يكتب كل يوم عشر مواضيع وفي كل قسم يمحط له ست مواضيع من زود الفضاوة ،، ويالله يالله نرد على نص مواضيعه ولا نلحق البااقي ؟ باختصار أكتب مواضيع قليله لأجل الكل يرد عليها !!

تاسعاً : (( التقليل من المشاكل وحوادث السيارات((

يعني ثنين مقاريد تهاوشوا وقلبوا المنتدى فوق حدر ونقسم المنتدى الى حزبين وكل واحد معه عشرة وجيب الفزعة
) ياخي بينك وبين أي عضو مشكلة او رده ماعجبك او لك ملاحظة ،، ارسل له على الخاص وتفاهم أنت وياه بدون مايدرون الأعضاء (..اإلى اذا كان الموضوع يحتاج الى نقاش من الجميع .
ويسمى العضو المشكلجي . ( وماأظن أحد يبي يلقب هـ القلب هذا ؟ )

عاشراً : (( خلك ذوق ((

يجي عضو ويتعب ويكتب موضوع جاد ومهم ويتوقع إن بيرد عليه ويناقشه الكل ثمن يجيك ذاك العضو إلي مايدري وين الله حذفه ويرد رد ماله دخل بالموضوع ،، الموضوع في شمال وهو يرد بالجنوب ،، ويخرب الموضوع او يقلبه تشات
) المواضيع الجادة والمهمة تحتاج الى رد جاد وبعكسها المواضيع الساخرة او المصرقعة يرد عليها برد ساخر او مهبول (
ويسمى العضو الي يرد برد في جهة والموضوع في جهه .حووول.

* وأخيراً وليس آخرا * المنتدى ليس بعدد أعضائه ،، بل بترابط أعضائه كالأسرة الواحدة وكما قال رسول الله عليه أفضل الصلاة والسلام (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقوله علية السلام (( المؤمن للمؤمن كالبنيان يشد بعضه بعضا...((

وأتمنى التوفيق للجميع,,,,

إنسان غير[/size]

بصراحة أخوي معاك ألف حق بكل اللي قلته وأتمنى من الجميع انهم يسوون كل شيء ذكر في الموضوع لأجل رقي المنتدى بين المنتديات الأخرى ويكون في قائمة الأفضلية

اواافقك الراي يااا الغاالي

وباذن الله سوف تكون هنالك مسابقات ومحفزات للاعضااء

وارجو من جميع الاعضاء تطبيقها والعمل بها